ಪುತ್ತೂರು: ಸೋಮವಾರ ಸಂಜೆಯ ಭಾರಿ ಗಾಳಿ – ಮಳೆಗೆ ಪುತ್ತೂರು ತಾಲೂಕು ಕ್ರೀಡಾಂಗಣದ ಗ್ಯಾಲರಿಯ ಶೀಟ್ ಜಗ್ಗಿದೆ.
ತಾಲೂಕು ಕ್ರೀಡಾಂಗಣದ ವೇದಿಕೆ ಎರಡೂ ಬದಿಯೂ ಗ್ಯಾಲರಿಯ ವ್ಯವಸ್ಥೆ ಇದೆ. ಇದರಲ್ಲಿ ವೇದಿಕೆಯ ಎಡ ಬದಿಯ ಶೀಟ್ ಗಾಳಿಯ ಹೊಡೆತಕ್ಕೆ ಶೀಟಿನ ಒಂದು ಭಾಗ ಗ್ಯಾಲರಿಯ ಮೇಲೆ ಬಿದ್ದಿದೆ. ಗಾಳಿಯ ರಭಸಕ್ಕೆ ಶೀಟಿನ ಜೊತೆಗೆ ಕಬ್ಬಿಣದ ಫೌಂಡೇಷನ್ ಕೂಡ ಕಿತ್ತು ಬಂದಿದೆ.
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಯುವಜನ ಸೇವಾ ಕ್ರೀಡಾ ಇಲಾಖೆಯ ಪುತ್ತೂರು ಮೇಲ್ವಿಚಾರಕ ಶ್ರೀಕಾಂತ್ ಪೂಜಾರಿ ಬಿರಾವು ಅವರು, ಭಾರಿ ಗಾಳಿ ಮಳೆಗೆ ಶೀಟ್ ಕುಸಿದಿದೆ. ಸುಮಾರು 1.5 – 2 ಲಕ್ಷ ರೂ. ನಷ್ಟ ಸಂಭವಿಸಿರುವ ಸಾಧ್ಯತೆ ಇದೆ. ಮಂಗಳವಾರ ಇಂಜಿನೀಯರ್ ಭೇಟಿ ನೀಡಲಿದ್ದಾರೆ. ತಕ್ಷಣದಲ್ಲೇ ಶೀಟನ್ನು ಸರಿಪಡಿಸುವ ಕೆಲಸ ಮಾಡಲಾಗುವುದು ಎಂದಿದ್ದಾರೆ.
