ವ್ಯಕ್ತಿಯೊಬ್ಬ ತನ್ನ ದಿವಂಗತ ತಾಯಿಯ ಬ್ಯಾಂಕ್ ಖಾತೆಗೆ ನಿಗೂಢವಾಗಿ ಜಮಾ ಆಗಿದ್ದ 1,13,56,000 ಕೋಟಿ ರೂ.ಗಳನ್ನು ಕಂಡು ದಿಗ್ಬ್ರಮೆಗೊಂಡಿದ್ದಾರೆ. ಇದು ಶಾರುಖ್ ಖಾನ್ ಆಸ್ತಿ ಮೌಲ್ಯಕ್ಕೂ ಅಧಿಕ.
ಉತ್ತರ ಪ್ರದೇಶದ ಗ್ರೇಟರ್ ನೋಯ್ಡಾದಲ್ಲಿ 2 ತಿಂಗಳ ಹಿಂದೆ ಮೃತಪಟ್ಟ ಮಹಿಳೆಯೊಬ್ಬರ ಬ್ಯಾಂಕ್ ಖಾತೆಗೆ ಹಠಾತ್ತನೆ 37 ಅಂಕೆಗಳ ಕೋಟ್ಯಂತರ ರೂಪಾಯಿ ಜಮೆಯಾಗಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಇದು ಬ್ಯಾಂಕಿಂಗ್ ಅಧಿಕಾರಿಗಳು ಮತ್ತು ಸಾರ್ವಜನಿಕರನ್ನು ದಿಗ್ಧಮೆಗೊಳಿಸಿದೆ.
ಈ ಬೃಹತ್ ಮೊತ್ತವು ಸರಿಸುಮಾರು 10,01,35,60,00,00,00,00,00,01,00,23,56,00,00, (ರೂ. 1,13,56,000 ಕೋಟಿಗೂ ಹೆಚ್ಚು) ಆಗಿದೆ.
ಬ್ಯಾಂಕಿನಿಂದ ಮಾಹಿತಿ ಪಡೆಯಲು ಪ್ರಯತ್ನಿಸಿದಾಗ, ಖಾತೆಯನ್ನು ಸ್ಥಗಿತಗೊಳಿಸಲಾಗಿದೆ ಎಂದು ತಿಳಿಸಲಾಗಿದೆ ಎಂದು ಮಹಿಳೆಯ ಮಗ ಹೇಳಿದ್ದಾರೆ. ಜಮೆಯಾಗಿರುವ ಹಣದಲ್ಲಿರುವ ಸೊನ್ನೆಯನ್ನು ಎಣಿಸಲು ಅವರು ಸ್ನೇಹಿತರ ಸಹಾಯ ಕೇಳಿದ್ದಾರೆ. ಪೊಲೀಸರು ಈ ಪ್ರಕರಣದ ತನಿಖೆ ಆರಂಭಿಸಿದ್ದಾರೆ. ಈ ಅಚ್ಚರಿಯ ಮೊತ್ತವು ಇಡೀ ಇಂಟರ್ನೆಟ್ ಅನ್ನು ಆಘಾತಕ್ಕೀಡು ಮಾಡಿದೆ ಮತ್ತು ನೆಟಿಜನ್‌ಗಳು ಹಾಸ್ಯಾಸ್ಪದ ಪ್ರತಿಕ್ರಿಯೆಗಳು ಮತ್ತು ಕಾಮೆಂಟ್‌ಗಳನ್ನು ಹಂಚಿಕೊಂಡಿದ್ದಾರೆ.
20 ವರ್ಷದ ಯುವಕ ಎರಡು ತಿಂಗಳ ಹಿಂದೆ ನಿಧನರಾದ ತನ್ನ ದಿವಂಗತ ತಾಯಿ ಗಾಯತ್ರಿ ದೇವಿಗೆ ಸೇರಿದ ಖಾತೆಯನ್ನು ಪರಿಶೀಲಿಸುತ್ತಿದ್ದ. ಆಗಸ್ಟ್ 3 ರಂದು ಖಾತೆಯನ್ನು ನಿರ್ವಹಿಸುತ್ತಿರುವಾಗ, ಯುವಕನಿಗೆ 1.13 ಲಕ್ಷ ಕೋಟಿ ರೂ.ಗಳ ಕ್ರೆಡಿಟ್ ಇರುವ ಬಗ್ಗೆ ಅಧಿಸೂಚನೆ ಬಂದಿತು. ಸಂದೇಶ ಬಂದ ಕೂಡಲೇ ಅವನು ಮೂರ್ಛೆ ಹೋಗಿ ಗೊಂದಲಕ್ಕೊಳಗಾದನು, ಮತ್ತು ಆಗ ಅವನು ತನ್ನ ಸ್ನೇಹಿತರೊಂದಿಗೆ ಸಂದೇಶವನ್ನು ಹಂಚಿಕೊಂಡನು, ಮೊತ್ತವು ಎಷ್ಟು ಸೊನ್ನೆಗಳನ್ನು ಎಣಿಸಬೇಕೆಂದು ಕೇಳಿದ್ದಾನೆ.
