ಆಲಂಕಾರು: ಕಡಬ ತಾಲೂಕಿನ ಕುಂತೂರಿನಲ್ಲಿ ಮಲ್ಲಿಕಾ ಲೇಡೀಸ್ ಟೈಲರ್ ಮತ್ತು ಮೆಟೀರಿಯಲ್ಸ್ ಇದರ 3ನೇ ಶಾಖೆ ಕುಂತೂರಿನಲ್ಲಿ ಉದ್ಘಾಟನೆಗೊಂಡಿತು.
ಸಂಸ್ಥೆಯ ಮಾಲಕಿ ಮಲ್ಲಿಕಾ ಗಣೇಶ್ ಅವರ ಅತ್ತೆ ಶಾಂತಾ, ತಂದೆ ಪರಮೇಶ್ವರ ಆಚಾರ್ಯ, ತಾಯಿ ಸರೋಜಿನಿ ಅವರು ಸಂಸ್ಥೆಯನ್ನು ಉದ್ಘಾಟಿಸಿ ಶುಭಹಾರೈಸಿದರು. ವಿದ್ವಾನ್ ಸಂದೀಪ್ ಪುರೋಹಿತ್ ಅವರು ಧಾರ್ಮಿಕ ಕಾರ್ಯಕ್ರಮ ನಡೆಸಿಕೊಟ್ಟರು.
ಪ್ರಮುಖರಾದ ಧನಂಜಯ, ಸುರೇಂದ್ರ, ಮುಕ್ತಾ ಆಚಾರ್ಯ ಉಪಸ್ಥಿತರಿದ್ದು, ಶುಭಹಾರೈಸಿದರು.
ಮಲ್ಲಿಕಾ ಗಣೇಶ್ ಮಾತನಾಡಿ, ವಿವಿಧ ಬಗೆಯ ಬಟ್ಟೆಗಳು ಹಾಗೂ ಮೆಟೀರಿಯಲ್ಸ್ ಅನ್ನು ಆಕರ್ಷಕ ದರದಲ್ಲಿ ಗ್ರಾಹಕರಿಗೆ ನೀಡಬೇಕು ಎನ್ನುವ ಸದುದ್ದೇಶದಿಂದ ಸಂಸ್ಥೆಯ ಮೂರನೇ ಮಳಿಗೆಯನ್ನು ಪ್ರಾರಂಭಿಸಿದ್ದೇವೆ. ನಮ್ಮಲ್ಲಿ ಸೀರೆಗಳು, ನೈಟಿ, ಕುರ್ತ, ಲೇಡಿಸ್ ಪ್ಲಾಜ ಪ್ಯಾಂಟ್, ಟಾಪ್ಸ್, ಧೋತಿ ಪ್ಯಾಂಟ್, ಲೆಗ್ಗಿನ್ಸ್, ಒಳ ಉಡುಪುಗಳು ಲಭ್ಯ. ಇದರ ಜೊತೆಗೆ ಮದುವೆ ಸೀರೆಗಳಿಗೆ ಗೊಂಡೆ ಹಾಗೂ ಬ್ಲೌಸ್ ಗೆ ಎಂಬ್ರಾಯಿಡರಿ ಮಾಡಿ ಕೊಡುತ್ತೇವೆ ಎಂದರು.
ಮಲ್ಲಿಕಾ ಗಣೇಶ್ ಅವರ ಪತಿ ಗಣೇಶ್ ಸ್ವಾಗತಿಸಿ, ವಂದಿಸಿದರು. ಪ್ರದೀಪ್ ಆಚಾರ್ಯ ಪುಳಿತ್ತಡಿ, ರಾಜೇಶ್ವರಿ ಪ್ರದೀಪ್ ಆಚಾರ್ಯ ಅವರು ಸಹಕರಿಸಿದರು.
