ಪುತ್ತೂರು: ನವತೇಜ ಟ್ರಸ್ಟ್, ರೋಟರಿ ಕ್ಲಬ್ ಪುತ್ತೂರು ಯುವ ಹಾಗೂ ಜೆಕಾಂ ಪುತ್ತೂರು ಸಹಯೋಗದಲ್ಲಿ ನಡೆಯಲಿರುವ ಹಲಸು ಹಣ್ಣು ಮೇಳದಲ್ಲಿ ವಿವಿಧ ಸ್ಪರ್ಧೆಗಳು ಈ ಬಾರಿ ಮೇಳದ ರಂಗನ್ನು ಹೆಚ್ಚಿಸಲಿದೆ.
ಜೂನ್ 6, 7 ಹಾಗೂ 8ರಂದು ಪುತ್ತೂರಿನ ಕಿಲ್ಲೆ ಮೈದಾನದಲ್ಲಿ ಹಲಸು ಹಣ್ಣು ಮೇಳ ಅನಾವರಣಗೊಳ್ಳಲಿದ್ದು, ಸ್ಪರ್ಧೆ ಸೇರಿದಂತೆ ಹಲವು ವೈಶಿಷ್ಟ್ಯತೆಗಳಿಂದ ಕುತೂಹಲಕ್ಕೆ ಕಾರಣವಾಗಿದೆ.
ಪ್ರಮುಖವಾಗಿ ಆಕರ್ಷಣೆಯ ಕೇಂದ್ರ ಬಿಂದುವಾಗಿ ಇದೇ ಮೊದಲ ಬಾರಿಗೆ ಹಲಸು ಮೇಳದಲ್ಲಿ ವಿವಿಧ ಸ್ಪರ್ಧೆಗಳನ್ನು ಆಯೋಜಿಸಲಾಗಿದೆ. ಜೂನ್ 7 ಹಾಗೂ 8ರಂದು ಆಯೋಜಿಸಿರುವ ಈ ಸ್ಪರ್ಧೆಗಳಿಗೆ ಸಮಯವನ್ನು ನಿಗದಿ ಪಡಿಸಲಾಗಿದೆ.
ಜೂನ್ 7ರಂದು ಹಲಸಿನ ತೂಕ ಊಹಿಸುವ ಸ್ಪರ್ಧೆ ಮಧ್ಯಾಹ್ನ 2 ಗಂಟೆಗೆ, ಹಲಸು ಎತ್ತುವ ಸ್ಪರ್ಧೆ ಮಧ್ಯಾಹ್ನ 2.30ಕ್ಕೆ, ಹಲಸಿನ ಹಣ್ಣು ಬಿಡಿಸುವ ಸ್ಪರ್ಧೆ ಮಧ್ಯಾಹ್ನ 3 ಗಂಟೆಗೆ, ಹಲಸಿನ ಹಣ್ಣು ತಿನ್ನುವ ಸ್ಪರ್ಧೆ ಮಧ್ಯಾಹ್ನ 3.30ಗೆ ನಡೆಯಲಿದೆ.
ಜೂನ್ 8ರಂದು ಹಲಸಿನ ಪ್ರಬಂಧ ಸ್ಪರ್ಧೆ ಬೆಳಿಗ್ಗೆ 11 ಗಂಟೆಗೆ (16 ವರ್ಷದ ಕೆಳಗಿನವರಿಗೆ), ಚಿತ್ರ ಬಿಡಿಸುವ ಸ್ಪರ್ಧೆ (16 ವರ್ಷದ ಕೆಳಗಿನವರಿಗೆ) ಬೆಳಿಗ್ಗೆ 11 ಗಂಟೆಗೆ, ಅಡಿಗೆ (ಸಿಹಿ + ಖಾರ) ಸ್ಪರ್ಧೆ ಮಧ್ಯಾಹ್ನ 12 ಗಂಟೆಗೆ, ಎಲೆಯ ಕೊಟ್ಟೆ / ಮೂಡೆ ಕಟ್ಟುವ ಸ್ಪರ್ಧೆ ಮಧ್ಯಾಹ್ನ 3 ಗಂಟೆಗೆ ಹಮ್ಮಿಕೊಳ್ಳಲಾಗಿದೆ.
ಸ್ಪರ್ಧೆಗೆ ನೋಂದಾಯಿಸಲು 94818 47763, 98455 22020 ಸಂಪರ್ಕಿಸುವಂತೆ ಪ್ರಕಟಣೆ ತಿಳಿಸಿದೆ.
