ನೆಹರುನಗರದಲ್ಲಿ ಸ್ಥೈರ್ಯ ಫಿಸಿಯೋಕೇರ್ ಉದ್ಘಾಟನೆ

ಪುತ್ತೂರಿನ ನೆಹರುನಗರ ವಿವೇಕಾನಂದ ಕಾಲೇಜು ರಸ್ತೆಯ ಅಂಬಿಕಾ ಸ್ಟಾಲ್ ಸಮೀಪ ಸ್ಥೈರ್ಯ ಫಿಸಿಯೋಕೇರ್ ಸೋಮವಾರ ಶುಭಾರಂಭಗೊಂಡಿತು.

ಫಿಸಿಯೋಥೆರಪಿಸ್ಟ್ ಹಾಗೂ ವಿಶ್ವ ಹಿಂದೂ ಪರಿಷತ್ ಪುತ್ತೂರು ಜಿಲ್ಲಾಧ್ಯಕ್ಷ ಡಾ. ಕೃಷ್ಣಪ್ರಸನ್ನ ಸಂಸ್ಥೆಯನ್ನು ಉದ್ಘಾಟಿಸಿ, ಶುಭಹಾರೈಸಿದರು. ವಕೀಲರಾದ ಎನ್.ಕೆ. ಜಗನ್ನಿವಾಸ್ ರಾವ್, ಬಾಲಚಂದ್ರ, ಡಾ. ರಮೇಶ್ ರಾವ್, ರಾಧೇಶ್ಯಾಂ, ಡಾ. ಸಚಿನ್ ಉಪಸ್ಥಿತರಿದ್ದರು.

ಬೆನ್ನು ನೋವು, ಕುತ್ತಿಗೆ ನೋವು, ಕೀಲು ನೋವು, ನರ ಸಂಬಂಧಿತ ಸಮಸ್ಯೆಗಳು ಸೇರಿದಂತೆ ವಿವಿಧ ದೈಹಿಕ ಸಮಸ್ಯೆಗಳಿಗೆ ಫಿಸಿಯೋಥೆರಪಿ ಚಿಕಿತ್ಸೆಯ ಅಗತ್ಯವಿರುವವರಿಗೆ ಪುತ್ತೂರಿನಲ್ಲಿ ‘ಸ್ಥೈರ್ಯ ಫಿಸಿಯೋಕೇರ್’ ಸೇವೆ ಲಭ್ಯವಿದೆ. ‘ನಿಮ್ಮ ಆರೋಗ್ಯವೇ ನಮ್ಮ ಆದ್ಯತೆ’ ಎಂಬ ಧ್ಯೇಯದೊಂದಿಗೆ ಕಾರ್ಯನಿರ್ವಹಿಸುತ್ತಿರುವ ಕೇಂದ್ರವು ಅನುಭವಿ ಆರ್ಥೋಪೆಡಿಕ್ ಫಿಸಿಯೋಥೆರಪಿಸ್ಟ್ ಡಾ. ಗಾನ ಪಿಲಿಂಜ (BPT, MPT) ಅವರ ಮಾರ್ಗದರ್ಶನದಲ್ಲಿ ವಿವಿಧ ಫಿಸಿಯೋಥೆರಪಿ ಹಾಗೂ ಪುನರ್ವಸತಿ ಸೇವೆಗಳನ್ನು ಒದಗಿಸುತ್ತಿದೆ.