ಸ್ಥಳೀಯ

ಅಲ್ಪಸಂಖ್ಯಾತ ಭವನಕ್ಕೆ ಮಂಜೂರಾದ ಜಾಗದ ಅಧಿಕೃತ ದಾಖಲೆ ಹಸ್ತಾಂತರ: ಶಾಸಕ ಅಶೋಕ್‌ ಕುಮಾರ್‌ ರೈಗೆ ಅಭಿನಂದನೆ ಸಲ್ಲಿಸಿದ ಇಬ್ರಾಹಿಂ ಗೋಳಿಕಟ್ಟೆ

ಈ ಸುದ್ದಿಯನ್ನು ಶೇರ್ ಮಾಡಿ

ಪುತ್ತೂರು: ಪುತ್ತೂರಿನ ಮುಸ್ಲಿಂ ಅಲ್ಪಸಂಖ್ಯಾತ ಸಮುದಾಯಕ್ಕೆ ಸುಸಜ್ಜಿತವಾದ ಸಮುದಾಯ ಭವನದ ಅಗತ್ಯವನ್ನು ಮನಗಂಡಿರುವ ಶಾಸಕ ಅಶೋಕ್‌ ಕುಮಾರ್‌ ರೈ ಅವರು ಜಾಗ ಮಂಜೂರು ಮಾಡಿಸುವುದರ ಜೊತೆಗೆ ಜಾಗದ ಅಧಿಕೃತ ದಾಖಲೆಗಳನ್ನು ಸಮುದಾಯದ ಪ್ರಮುಖರ ಕೈಗೆ ಹಸ್ತಾಂತರ ಮಾಡಿರುವುದನ್ನು ದಕ್ಷಿಣ ಕನ್ನಡ ಜಿಲ್ಲಾ ವಾಲಿಬಾಲ್‌ ಅಸೋಸಿಯೇಶನ್‌ ಅಧ್ಯಕ್ಷ ಇಬ್ರಾಹಿಂ ಗೋಳಿಕಟ್ಟೆ ಅಭಿನಂದಿಸಿದ್ದಾರೆ.
ಈ ಬಗ್ಗೆ ಪತ್ರಿಕಾ ಹೇಳಿಕೆ ನೀಡಿರುವ ಅವರು, ಉತ್ತಮವಾದ ಸರ್ಕಾರಿ ಜಾಗವನ್ನು ಗುರುತಿಸಿ, ಸಮುದಾಯ ಭವನ ನಿರ್ಮಿಸಲು ಆ ಜಾಗವನ್ನು ಮಂಜೂರು ಮಾಡಿಸುವುದರ ಜೊತೆಗೆ, ಭವನ ನಿರ್ಮಾಣಕ್ಕೆ ಬೇಕಾದ ಅನುದಾನವನ್ನೂ ಸರ್ಕಾರದಿಂದ ತಂದು ಕೊಡುವ ಭರವಸೆಯನ್ನು ಶಾಸಕರು ನೀಡಿದ್ದಾರೆ. ಅವರು ಆಡಿದ ಮಾತಿನಂತೆಯೇ ಇದೀಗ ಜಾಗದ ಅಧಿಕೃತ ದಾಖಲೆಗಳನ್ನು ಸಮುದಾಯದ ಪ್ರಮುಖರ ಕೈಗೆ ಹಸ್ತಾಂತರಿಸುವ ಮೂಲಕ, ತಾವು ನುಡಿದಂತೆ ನಡೆಯುವ ಜನನಾಯಕ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ ಎಂದಿದ್ದಾರೆ.
​ಸಮುದಾಯ ಭವನ ನಿರ್ಮಾಣದ ಹಾದಿಯಲ್ಲಿ ಇನ್ನೂ ಹಲವಾರು ತಾಂತ್ರಿಕ ಹಾಗೂ ಆಡಳಿತಾತ್ಮಕ ಕೆಲಸಗಳು ಬಾಕಿ ಇವೆ. ಈ ಕನಸು ಸಂಪೂರ್ಣವಾಗಿ ನನಸಾಗುವವರೆಗೂ, ಮುಂದಿನ ಎಲ್ಲಾ ಕೆಲಸಗಳನ್ನು ನಿರಂತರವಾಗಿ ಅನುಸರಿಸಿಕೊಂಡು ಜವಾಬ್ದಾರಿಯೂ ಸಮುದಾಯದ ಮೇಲಿದೆ ಎಂದು ನೆನಪಿಸಿಕೊಂಡರು.
​ಪುತ್ತೂರು ವಿಧಾನಸಭಾ ಕ್ಷೇತ್ರದ ಸರ್ವತೋಮುಖ ಅಭಿವೃದ್ಧಿಯ ಕನಸನ್ನು ಹೊತ್ತು, ಪ್ರಥಮ ಬಾರಿಗೆ ಶಾಸಕರಾಗಿ ಆಯ್ಕೆಯಾದ ಅಶೋಕ್‌ ಕುಮಾರ್‌ ರೈ ಅವರು, ತಮ್ಮ ಶಾಸಕತ್ವದ ಅಲ್ಪಾವಧಿಯಲ್ಲೇ ಕ್ಷೇತ್ರದಲ್ಲಿ ಹಲವಾರು ಜನಪರ ಹಾಗೂ ಅಭಿವೃದ್ಧಿ ಕಾರ್ಯಗಳನ್ನು ಮಾಡುವ ಮೂಲಕ ಜನಮನ ಗೆದ್ದಿದ್ದಾರೆ. ಜಾತಿ, ಮತ, ಭೇದವಿಲ್ಲದೆ ಪುತ್ತೂರಿನ ಪ್ರತಿಯೊಂದು ಸಮುದಾಯಕ್ಕೂ ತಮ್ಮದೇ ಆದ ಒಂದು ಸೂರು, ಒಂದು ಸಮುದಾಯ ಭವನ ಇರಬೇಕು ಎಂಬುದು ಜನರ ಬಹುದಿನಗಳ ಆಗ್ರಹವಾಗಿತ್ತು. ಜನರ ಈ ಬೇಡಿಕೆಗೂ ಮುನ್ನವೇ ಎಲ್ಲಾ ಸಮುದಾಯಗಳ ಏಳಿಗೆಗಾಗಿ ಸಮುದಾಯ ಭವನಗಳನ್ನು ನಿರ್ಮಿಸಿಕೊಡಬೇಕೆಂಬ ಉದಾತ್ತ ಸಂಕಲ್ಪವನ್ನು ಈಡೇರಿಸುತ್ತಾ ಬಂದಿದ್ದಾರೆ. ​ಸರ್ವಧರ್ಮ ಸಮನ್ವಯದ ಹರಿಕಾರರಾಗಿ, ಅಲ್ಪಸಂಖ್ಯಾತ ಸಮುದಾಯದ ಬಹುದಿನದ ಕನಸಿಗೆ ಜೀವ ತುಂಬಿದ ತಮ್ಮ ಈ ಉದಾರ ಗುಣಕ್ಕೆ ಮತ್ತು ಜನಪರ ಕಾಳಜಿಗೆ ಅಭಿನಂದನೆ ಸಲ್ಲಿಸುತ್ತೇವೆ ಎಂದಿದ್ದಾರೆ.


ಈ ಸುದ್ದಿಯನ್ನು ಶೇರ್ ಮಾಡಿ

What's your reaction?

Related Posts

ಡಿಸೆಂಬರ್ 20ರ ಒಕ್ಕಲಿಗ ಗೌಡ ಸಮುದಾಯದ ವಾರ್ಷಿಕ ಸಮಾವೇಶಕ್ಕೆ ಪುತ್ತೂರು ವಲಯ ಸಜ್ಜು – ಮನೆಮನೆಗೆ ಆಹ್ವಾನ ನೀಡಲು ನಿರ್ಧಾರ

ಪುತ್ತೂರು: ಒಕ್ಕಲಿಗ ಗೌಡ ಸೇವಾ ಸಂಘ ಪುತ್ತೂರು ಹಾಗೂ ಸಹ ಸಂಘಟನೆಗಳ ಸಹಯೋಗದಲ್ಲಿ ಡಿಸೆಂಬರ್…

ಡಿ. 20ರ ಒಕ್ಕಲಿಗ ಸಮುದಾಯದ ವಾರ್ಷಿಕ ಸಮಾವೇಶದ ಪ್ರಚಾರಕ್ಕೆ ಕುಂಬ್ರ ವಲಯದ ಸಿದ್ಧತೆ – ತಾಲೂಕು ಕ್ರೀಡಾಕೂಟದ ಕುರಿತು ಚರ್ಚೆ

ಪುತ್ತೂರು: ಒಕ್ಕಲಿಗ ಗೌಡ ಸೇವಾ ಸಂಘ ಪುತ್ತೂರು ಹಾಗೂ ಸಹ ಸಂಘಟನೆಗಳ ಸಹಯೋಗದಲ್ಲಿ ಡಿಸೆಂಬರ್…

1 of 140