ಮುಂದಿನ ವರ್ಷ ನಡೆಯುವ ಐಸಿಸಿ ಅಂಡರ್-19 (ICC Under-19 Womens T20 World Cup) ವನಿತಾ ಟಿ20 ವಿಶ್ವಕಪ್ ಕ್ರಿಕೆಟ್ ಪಂದ್ಯಾವಳಿಗೆ ಭಾರತದ 15 ಸದಸ್ಯರ ತಂಡವನ್ನು ಪ್ರಕಟಿಸಲಾಗಿದೆ.
ನಿಕಿ ಪ್ರಸಾದ್ ನಾಯಕಿಯಾಗಿ ಆಯ್ಕೆ ಯಾಗಿದ್ದಾರೆ.
ಕಳೆದ ಅಂಡರ್-19 ಏಷ್ಯಾ ಕಪ್ ಕ್ರಿಕೆಟ್ ಪಂದ್ಯಾವಳಿಯಲ್ಲೂ ಇವರು ನಾಯಕಿಯಾಗಿದ್ದರು. ಭಾರತ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಸಾನಿಯಾ ಚಲ್ಕೆ ಉಪನಾಯಕಿಯಾಗಿದ್ದಾರೆ.
ತಂಡದಲ್ಲಿ ಇಬ್ಬರು ವಿಕೆಟ್ ಕೀಪರ್ಗಳಿಗೆ ನೇಮಕ ಮಾಡಲಾಯಿತು. ಜಿ.ಕಮಲಿನಿ ಮತ್ತು ಭವಿಕಾ ಅಹಿರೆ. ಮೂವರು ಮೀಸಲು ಆಟಗಾರ್ತಿಯರೂ ಇದ್ದಾರೆ.
ಪಂದ್ಯಾವಳಿ ಜ.18ರಿಂದ ಫೆ. 2ರ ತನಕ ಕೌಲಾಲಂಪುರದಲ್ಲಿ ನಡೆಯಲಿದೆ. 16 ತಂಡಗಳು ಪಾಲ್ಗೊಳ್ಳಲಿವೆ. ಇವನ್ನು 4 ಗುಂಪುಗಳಾಗಿ ವಿಭಜಿಸಲಾಗಿದೆ.
