ಆರೋಪಿಯನ್ನು ಬಂಧಿಸಿದ ಪೊಲೀಸ್ ಅಧಿಕಾರಿ, ಪ್ರವಾಸಿ ತಾಣ ಸುತ್ತಾಡಿ, ಆತನ ಜತೆ ಫೊಟೋ ತೆಗೆಸಿಕೊಂಡ ಘಟನೆ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಪೋಲೀಸ್ ಅಧಿಕಾರಿ ಪೀಟ‌ರ್ ಡಿಸೋಜ ಸೆಲ್ವಿ ತೆಗೆಸಿಕೊಂಡವರು.
ಇದು ಪೋಲೀಸ್ ಇಲಾಖೆಯ ಶಿಸ್ತಿನ ಉಲ್ಲಂಘನೆಯಾಗಿದ್ದು, ಇದನ್ನು ಸಾಮಾಜಿಕ ಜಾಲ ತಾಣ ಸಹಿತ ಮಾಧ್ಯಮಗಳು ವರದಿ ಮಾಡಿದ್ದವು.
ಇ- ವಾಣಿಜ್ಯ ಸಂಸ್ಥೆ ಅಮೆಝಾನ್ ಗೆ ವಂಚಿಸಿದ ಹಿನ್ನೆಲೆಯಲ್ಲಿ ಆರೋಪಿಗಳಾದ ರಾಜಸ್ಥಾನದ ರಾಜ್ ಕುಮಾ‌ರ್ ಮೀನಾ (23),ಸುಭಾಷ್ ಗುರ್ಜರ್ ( 27), ಎಂಬಿವರನ್ನು ತಮಿಳುನಾಡಿನ ಸೇಲಂನಿಂದ ಬಂಧಿಸಲಾಗಿತ್ತು.
ನಕಲಿ ಗುರುತು ಚೀಟಿ ತೋರಿಸಿ ಅಮೆಝಾನ್ ನಿಂದ 11 45 ಲಕ್ಷ ರೂ ಮೌಲ್ಯದ ಸಾಮಗ್ರಿ ತರಿಸಿಕೊಂಡು, ತದನಂತರ ಅದನ್ನು ಬೇರೆಯವರಿಗೆ ಮಾರಾಟ ಮಾಡಿ ವಂಚಿಸಿದ ಪ್ರಕರಣದಲ್ಲಿ ಈ ಇಬ್ಬರು ಆರೋಪಿಗಳನ್ನು ವಾರಂಟ್ ಮೇರೆಗೆ 2024 ನವಂಬರಿನಲ್ಲಿ ಬಂಧಿಸಲಾಗಿತ್ತು. ಬಳಿಕ ತನಿಖೆಯ ಸಲುವಾಗಿ ಆರೋಪಿಗಳನ್ನು ವಿಮಾನದಲ್ಲಿ ಜೈಪುರಕ್ಕೆ ಕರೆದೊಯ್ಯಲಾಗಿತ್ತು. ಈ ವೇಳೆ ಆರೋಪಿಗಳ ಜತೆ ಜೈಪುರದ ಪ್ರೇಕ್ಷಣೀಯ ಸ್ಥಳವನ್ನು ಸುತ್ತಾಡಿ ಸೆಲ್ವಿ ತೆಗೆಯಲಾಗಿತ್ತು. ಈ ಕುರಿತಾದ ಚಿತ್ರವೊಂದು ವಿವಾದ ಹುಟ್ಟಿಸಿದ ಹಿನ್ನೆಲೆಯಲ್ಲಿ ಈ ಕಾನೂನು ಪ್ರಕ್ರಿಯೆ ನಡೆದಿದೆ.
