ಪುತ್ತೂರು: ಮೊಬೈಲ್ ರಿಟೈಲರ್ ಅಸೋಸಿಯೇಶನ್ ಪುತ್ತೂರು ನೇತೃತ್ವದಲ್ಲಿ ದಕ್ಷಿಣ ಕನ್ನಡ ಉಡುಪಿ ಮೊಬೈಲ್ ರಿಟೈಲರ್ ಅಸೋಸಿಯೇಶನ್ (ಡಿಕುಮ್ರಾ) ಸಹಕಾರದಲ್ಲಿ ಸೆ. 28ರಿಂದ ನ. 15ರವರೆಗೆ ನಡೆದ ಸ್ಮಾರ್ಟ್ ಫೋನ್ ಫೆಸ್ಟಿವಲ್’ನ ಡ್ರಾ ಫಲಿತಾಂಶ ಶುಕ್ರವಾರ ನಡೆಯಿತು.
ಮುಖ್ಯ ಅತಿಥಿ ಡಿಕುಮ್ರಾ ಅಧ್ಯಕ್ಷ ಪ್ರಶಾಂತ್ ಶೆಣೈ ಮಾತನಾಡಿ, ಹಿಂದಿನ ಸಲ ಎಲ್ಲಾ ಬಹುಮಾನಗಳು ಒಂದೇ ಜಿಲ್ಲೆಗೆ ಬರ್ತಾ ಇತ್ತು. ಆದ್ರೆ ಈಗ ತಾಲೂಕು ಮಟ್ಟದಲ್ಲಿ ಫೆಸ್ಟ್ ಮಾಡ್ತಾ ಇರುವುದರಿಂದ ಪ್ರಶಸ್ತಿಗಳು ಹಂಚಿ ಹೋಗ್ತಾ ಇದೆ. ಅಲ್ಲದೇ, ಇಲ್ಲಿನ ಎಲ್ಲಾ ಜನರು ಒಂದೆಡೆ ಸೇರಲು ಈ ಕಾರ್ಯಕ್ರಮ ಅನುಕೂಲವಾಗಿದೆ. ಕಾರ್ಯಕ್ರಮ ಚೆನ್ನಾಗಿ ಮೂಡಿಬಂದಿದೆ ಎಂದರು.
ಡಿಕುಮ್ರಾ (DKMRA) ಕಾರ್ಯದರ್ಶಿ ಅರಿಹಂತ್ ಜೈನ್ ಮಾತನಾಡಿ, ಗ್ರಾಹಕರ ದೃಷ್ಟಿಯಿಂದಲೂ ತಾಲೂಕು ಮಟ್ಟದ ಕಾರ್ಯಕ್ರಮ ಅನುಕೂಲ. ಈ ಸಲಹೆ ಪುತ್ತೂರಿನಲ್ಲೇ ಸಿಕ್ಕಿತು. ಇದನ್ನು ಉಭಯ ಜಿಲ್ಲೆಗಳಲ್ಲೂ ಜಾರಿ ಮಾಡುತ್ತಿದ್ದೇವೆ ಎಂದರು.
ಪ್ರಾಸ್ತಾವಿಕವಾಗಿ ಮಾತನಾಡಿದ ಪುತ್ತೂರು ರಿಟೈಲರ್ ಅಸೋಸಿಯೇಶನ್ ಅಧ್ಯಕ್ಷ ಚೇತನ್, ಸ್ಮಾರ್ಟ್ ಫೋನ್ ಫೆಸ್ಟ್ ಮೂಲಕ ಲಕ್ಕಿ ಡಿಪ್ ನಡೆಸುವ ಕಾರ್ಯಕ್ರಮ ಪುತ್ತೂರಿನಲ್ಲಿ ಮೊದಲ ಬಾರಿಗೆ ನಡೆಯುತ್ತಿದೆ ಎಂದರು.
ಫೆಸ್ಟ್ ಸಂಚಾಲಕ ಖಾದರ್ ಅವರನ್ನು ಇದೇ ಸಂದರ್ಭ ಗೌರವಿಸಿ, ಸನ್ಮಾನಿಸಲಾಯಿತು.
ಸ್ಯಾಮ್ ಸಂಗ್ ಡಿಸ್ಟ್ರಿಬ್ಯೂಟರ್ ನರಸಿಂಹ ಪ್ರಸಾದ್ ಶೆಣೈ, ಡಿಕುಮ್ರಾ ಖಜಾಂಚಿ ರಾಘವೇಂದ್ರ ಪ್ರಭು ಕಿನ್ನಿಗೋಳಿ, ಪುತ್ತೂರು ಮೊಬೈಲ್ ರಿಟೈಲರ್ ಅಸೋಸಿಯೇಶನ್ ಪ್ರಧಾನ ಕಾರ್ಯದರ್ಶಿ ಹಫೀಜ್, ಕಾರ್ಕಳ ಬಾಲಾಜಿ ಮೊಬೈಲ್ ಮಾಲಕಿ ವೈಷ್ಣವಿ ಶೆಣೈ, ನೆಕ್ಲಿಮ್ ಟೆಲಿಕಾಂ ಮಾಲಕ ಕೃಷ್ಣ ಮೊದಲಾದವರು ಉಪಸ್ಥಿತರಿದ್ದರು.
ಮಾರ್ಕ್ ಟೆಲಿಕಾಂನ ಮಾಲಕ, ಪುತ್ತೂರು ಮೊಬೈಲ್ ರಿಟೈಲರ್ ಅಸೋಸಿಯೇಶನ್ ಸಲಹೆಗಾರ ಶಶಿರಾಜ್ ರೈ ಕಾರ್ಯಕ್ರಮ ನಿರೂಪಿಸಿದರು.
ಡ್ರಾ ಫಲಿತಾಂಶ:
ಸ್ಮಾರ್ಟ್ ಫೋನ್ ಫೆಸ್ಟ್ ಹಿನ್ನೆಲೆಯಲ್ಲಿ ಆಯೋಜಿಸಿದ್ದ ಲಕ್ಕಿಡಿಪ್ ನ ಡ್ರಾವನ್ನು ಅತಿಥಿಗಳು ನಡೆಸಿಕೊಟ್ಟರು. ಪ್ರಥಮ ಬಹುಮಾನವನ್ನು 6222 ಜಯಿಸಿದ್ದು, ಹೀರೊ ಬೈಕನ್ನು ಗೆದ್ದುಕೊಂಡರು.
ದ್ವಿತೀಯ ಬಹುಮಾನವಾಗಿ 2 ವಾಶಿಂಗ್ ಮೆಶಿನ್ 6478, 5783 ಪಾಲಾಯಿತು.
ಮೂರನೇ ಬಹುಮಾನವಾಗಿ 2 ಟಿವಿ 8056, 9690 ಸಂಖ್ಯೆ ಗೆದ್ದುಕೊಂಡಿತು.
5 ಸ್ಮಾರ್ಟ್ ವಾಚ್ 7482, 5077, 9761, 5257, 6913 ವಿಜೇತವಾಯಿತು.
10 ಸ್ಪೀಕರ್ಸ್ ವಿಜೇತರು 8188, 6490, 6645, 5836, 5383, 5553, 8716, 8794, 6849, 9843.
ಕ್ಯಾಟಲ್ ವಿಜೇತರು 7215, 9147, 5628, 9516, 5711.
5 ಪವರ್ ಬ್ಯಾಂಕ್ ವಿಜೇತರು 9387, 9732, 9179, 6035, 7055.























