ಬೆಂಗಳೂರು:ರಾಜ್ಯದಲ್ಲಿ 108 ‘ಆರೋಗ್ಯ ಕವಚ’ ಆಂಬುಲೆನ್ಸ್ ಸೇವೆಯನ್ನು ಮತ್ತಷ್ಟು ಬಲಪಡಿಸಲು ಸರ್ಕಾರ ಮಹತ್ವದ ನಿರ್ಧಾರ ಕೈಗೊಂಡಿದೆ. ಇಎಂಟಿ (EMT) ಹಾಗೂ ಪೈಲೆಟ್ಗಳ ವೇತನ ಪರಿಷ್ಕರಣೆಗೆ ಅನುಮೋದನೆ ನೀಡಲಾಗಿದೆ.
ಹೊಸ ಆದೇಶದ ಪ್ರಕಾರ, ಕನಿಷ್ಠ ಮೂಲ ವೇತನದ ಜೊತೆಗೆ ಪ್ರತಿವರ್ಷದ ಸೇವಾ ಅನುಭವಕ್ಕೆ ಶೇ.2ರಂತೆ (ಗರಿಷ್ಠ 15 ವರ್ಷಕ್ಕೆ ಶೇ.30ರವರೆಗೆ) ಅನುಭವ ಬೋನಸ್ ನೀಡಲಾಗುತ್ತದೆ. ಜೊತೆಗೆ ಕಾರ್ಯಕ್ಷಮತೆ ಆಧರಿಸಿ ಶೇ.10ರಷ್ಟು ಪ್ರೋತ್ಸಾಹ ಧನವೂ ನೀಡಲಾಗುತ್ತದೆ.ಸೇವಾ ಸುಧಾರಣೆಗಾಗಿ ಒಟ್ಟು 3,691 ಹುದ್ದೆಗಳ ಸೃಜನೆಗೂ ಸಚಿವ ಸಂಪುಟ ಒಪ್ಪಿಗೆ ನೀಡಿದೆ. ಇದರಲ್ಲಿ 1700 ಇಎಂಟಿ ಹಾಗೂ 1700 ಪೈಲೆಟ್ ಹುದ್ದೆಗಳು ಸೇರಿವೆ. 108 ಮತ್ತು 104 ಸಹಾಯವಾಣಿ ಸೇವೆಗಳ ಕಮಾಂಡ್ ಕಂಟ್ರೋಲ್ ಕೇಂದ್ರಗಳನ್ನು ಆರೋಗ್ಯ ಇಲಾಖೆ ನಿರ್ವಹಿಸಲಿದ್ದು, ಜಿಲ್ಲಾಮಟ್ಟದಲ್ಲೂ ವ್ಯವಸ್ಥೆ ಬಲಪಡಿಸಲು ಕ್ರಮ ಕೈಗೊಳ್ಳಲಾಗಿದೆ.
