ಮತ್ತೊಮ್ಮೆ ಭಾರತ ವಿಮಾನಯಾನದ ಭದ್ರತಾ ಲೋಪ ಎತ್ತಿ ಹಿಡಿದ ಬಾಲಕ! ಕಾಬೂಲ್’ನಿಂದ ಭಾರತಕ್ಕೆ ಬಂದಿಳಿದ ಬಾಲಕ ದೇಶಕ್ಕೆ ರವಾನಿಸಿದ ಸಂದೇಶವೇನು??

ದೆಹಲಿ: ವಿಮಾನದ ಲ್ಯಾಂಡಿಂಗ್ ಗೇರ್‌ನಲ್ಲಿ ಬರೋಬ್ಬರಿ 2 ಗಂಟೆ ಅಡಗಿ ಕುಳಿತಿದ್ದ 13 ವರ್ಷ ಬಾಲಕ.

ದೆಹಲಿಯ ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ 13 ವರ್ಷದ ಬಾಲಕನೊಬ್ಬ ಬರೋಬ್ಬರಿ 2 ಗಂಟೆಗಳ ಕಾಲ ವಿಮಾನದ ಲ್ಯಾಂಡಿಂಗ್ ಗೇರ್‌ನಲ್ಲಿ ಅಡಗಿ ಕುಳಿತಿರುವುದು ಕಂಡು ಬಂದಿದೆ.

ಕಾಬೂಲ್‌ನಿಂದ ದೆಹಲಿಗೆ ಬರುವ ವಿಮಾನದ ಲ್ಯಾಂಡಿಂಗ್ ಗೇರ್ (ಚಕ್ರದ ಬಾವಿ)ಯಲ್ಲಿ ಅಡಗಿಕೊಂಡು ಬಂದಿದ್ದಾನೆ. ಈ ಘಟನೆ ಸೆಪ್ಟೆಂಬರ್ 21ರ ಬೆಳಿಗ್ಗೆ 11.10ರ ಸುಮಾರಿಗೆ KAM ಏರ್‌ಲೈನ್ಸ್‌ನ RQ-4401 ವಿಮಾನ ದೆಹಲಿ ನಿಲ್ದಾಣದಲ್ಲಿ ಇಳಿಯುವಾಗ ಬೆಳಕಿಗೆ ಬಂದಿದೆ.

ವಿಮಾನಯಾನ ಭದ್ರತಾ ಸಿಬ್ಬಂದಿ ಮಗುವು ವಿಮಾನ ಸುತ್ತಲೂ ಅಲೆದಾಡುತ್ತಿರುವುದನ್ನು ಗಮನಿಸಿದರು. ವಿಚಾರಣೆಯಲ್ಲಿ, ಬಾಲಕನು ಅಫ್ಘಾನಿಸ್ತಾನದ ಕುಂದುಜ್‌ ನಗರದ ನಿವಾಸಿಯಾಗಿದ್ದು, ಟಿಕೆಟ್ ಇಲ್ಲದೆ ಲ್ಯಾಂಡಿಂಗ್ ಗೇರ್‌ನಲ್ಲಿ ಅಡಗಿಕೊಂಡು ಬಂದಿದ್ದು ಪತ್ತೆಯಾಗಿದೆ.

ಈ ಬಾಲಕ ವಿಮಾನದ ಲ್ಯಾಂಡಿಂಗ್ ಗೇರ್‌ನಲ್ಲಿ ಬರೋಬ್ಬರಿ 2 ಗಂಟೆಗಳಗಳ ಕಾಲ ಅಡಗಿಕೊಂಡು ಕುಳಿತು ಪ್ರಯಾಣ ಮಾಡಿದ್ದು ಎಲ್ಲರನ್ನು ಆಘಾತಕ್ಕೊಳಪಡಿಸಿದೆ. ಕಾಬೂಲ್‌ನಿಂದ ದೆಹಲಿಗೆ ಬರುವ ವಿಮಾನದಲ್ಲಿ ಈ ಘಟನೆ ನಡೆದಿದೆ. ಇದರಿಂದ ವಿಮಾನಯಾನ ಭದ್ರತೆಯ ಕೊರತೆಯನ್ನು ಬಹಿರಂಗಪಡಿಸಿದೆ. ಬಾಲಕನನ್ನು ತಕ್ಷಣವೇ ಸೆಂಟ್ರಲ್ ಇಂಡಸ್ಟ್ರಿಯಲ್ ಸೆಕ್ಯೂರಿಟಿ ಫೋರ್ಸ್ (CISF) ಸಿಬ್ಬಂದಿ ವಿಚಾರಣೆಗೆ ಕರೆತಂದರು.

ತನಿಖೆಯ ಸಂದರ್ಭದಲ್ಲಿ, ವಿಮಾನಯಾನ ಸಂಸ್ಥೆಯ ಭದ್ರತಾ ಮತ್ತು ಎಂಜಿನಿಯರಿಂಗ್ ತಂಡವು ಲ್ಯಾಂಡಿಂಗ್ ಗೇರ್ ಬಳಿ ಸಣ್ಣ ಕೆಂಪು ಬಣ್ಣದ ಸ್ಪೀಕ‌ರ್ ಅನ್ನು ಕಂಡುಹಿಡಿದಿದ್ದು, ಅದು ಬಾಲಕನದ್ದೇ ಎಂದು ತಿಳಿದುಬಂದಿದೆ.

ಕಾಬೂಲ್‌ನಿಂದ ದೆಹಲಿಗೆ ಪ್ರಯಾಣಿಸಿದ್ದ ಬಾಲಕ!

ಎಲ್ಲಾ ಕಾರ್ಯವಿಧಾನಗಳನ್ನು ಪೂರ್ಣಗೊಳಿಸಿದ ನಂತರ, ಮಧ್ಯಾಹ್ನ ಸುಮಾರು 12.30ಕ್ಕೆ KAM ಏರ್‌ನ ರಿಟರ್ನ್ ಫೈಟ್ (RQ-4402)ಯಲ್ಲಿ ಬಾಲಕನನ್ನು ಕಾಬೂಲ್‌ಗೆ ಹಿಂದಿರುಗಿಸಲಾಗಿದೆ.  ಅವನು ಅಪ್ರಾಪ್ತ ವಯಸ್ಕನಾಗಿರುವುದರಿಂದ ವಿರುದ್ಧ ಯಾವುದೇ ಕಾನೂನು ಕೈ ಕ್ರಮಗೊಂಡಿಲ್ಲ

ವರದಿಗಳ ಪ್ರಕಾರ, KAM ಏರ್ ವಿಮಾನ RQ-4401 ಕಾಬೂಲ್‌ನಿಂದ ದೆಹಲಿಗೆ 94 ನಿಮಿಷಗಳ (ಸುಮಾರು 2 ಗಂಟೆಗಳ) ಪ್ರಯಾಣ ಮಾಡಿತು. ಭಾರತೀಯ ಕಾಲಮಾನದ ಪ್ರಕಾರ, ವಿಮಾನವು ಬೆಳಿಗ್ಗೆ 8:46ಕ್ಕೆ ಕಾಬೂಲ್‌ನಿಂದ ಹೊರಟು, 10:20ಕ್ಕೆ ದೆಹಲಿ ಟರ್ಮಿನಲ್ 3ರಲ್ಲಿ ಇಳಿಯಿತು.

ಬಾಲಕನು ವಿಮಾನದ ಹಿಂಭಾಗದ ಚಕ್ರದ ಮೇಲಿನ ಸಣ್ಣ ವಿಭಾಗದಲ್ಲಿ ಅಡಗಿಕೊಂಡಿದ್ದನು. ವಿಚಾರಣೆಯಲ್ಲಿ ಅವನು ಹೇಳಿದಂತೆ, ಕಾಬೂಲ್ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರ ಹಿಂದೆ ಕಾರು ಚಲಾಯಿಸಿ ರನ್‌ವೇಗೆ ತಲುಪಿದ್ದೇನೆ. ಅವಕಾಶ ಸಿಕ್ಕಾಗ ವಿಮಾನ ಹತ್ತಿ, ಟೇಕ್‌ಆಫ್ ಆಗುವ ಮುನ್ನ ಲ್ಯಾಂಡಿಂಗ್‌ ಗೇರ್‌ನಲ್ಲಿ ಅಡಗಿದ್ದೇನೆ ಎಂದು ತಿಳಿಸಿದ್ದಾನೆ. ಅವನು ಇರಾನ್‌ಗೆ ಹೋಗಲು ಬಯಸಿದ್ದರೂ, ತಪ್ಪಾಗಿ ದೆಹಲಿ ವಿಮಾನವನ್ನು ಹತ್ತಿದ್ದೇನೆ ಎಂದು ಹೇಳಿಕೊಂಡಿದ್ದಾನೆ.

ಹೋರಾಟದಲ್ಲೂ ಬದುಕಿ ಬಂದ ಬಾಲಕ!

ಈ ಘಟನೆಯು ಸಾವು-ಬದುಕಿನ ನಡುವಿನ 94 ನಿಮಿಷಗಳ ಹೋರಾಟವಾಗಿದೆ. ವಿಮಾನದ ಲ್ಯಾಂಡಿಂಗ್‌ ಗೇರ್‌ನಲ್ಲಿ ಪ್ರಯಾಣಿಸುವುದು ಅತ್ಯಂತ ಅಪಾಯಕಾರಿ. ವಿಮಾನ ಹಾರಿದ ತಕ್ಷಣ, ಆಮ್ಲಜನಕದ ಮಟ್ಟವು ತ್ವರಿತವಾಗಿ ಕಡಿಮೆಯಾಗುತ್ತದೆ, ತಾಪಮಾನವು (ಸುಮಾರು -50 ಡಿಗ್ರಿ ಸೆಲ್ಸಿಯಸ್) ಇಳಿಯುತ್ತದೆ. ಚಕ್ರಗಳ ನಡುವೆ ಸಿಲುಕಿದವರು ಪುಡಿಪುಡಿಯಾಗಬಹುದು ಎಂದು ತಜ್ಞರು ಹೇಳುತ್ತಾರೆ. ವಾಯುಯಾನ ತಜ್ಞ ಕ್ಯಾಪ್ಟನ್ ಮೋಹನ್ ರಂಗನಾಥನ್‌ ಅವರ ಪ್ರಕಾರ, ವಿಮಾನ ಹಾರಿದ ನಂತರ ಚಕ್ರಗಳು ಹಿಂದೆ ಸರಿಯುತ್ತವೆ, ಗೇರ್ ಸಂಪೂರ್ಣ ಒಳಗೆ ಸಿಲುಕಿದವರು 50% ಕ್ಕಿಂತ ಕಡಿಮೆ ಜನರು ಬದುಕುಳಿದಿದ್ದಾರೆ  ಎಂದಿದ್ದಾರೆ.

ಈ ಘಟನೆ ಭಾರತೀಯ ವಿಮಾನ ನಿಲ್ದಾಣಗಳಲ್ಲಿ ಭದ್ರತಾ ಕೊರತೆಯನ್ನು ಎತ್ತಿ ತೋರಿಸಿದೆ. ಕಾಬೂಲ್ ನಿಲ್ದಾಣದಲ್ಲಿ ಬಾಲಕನು ಸುಲಭವಾಗಿ ರನ್‌ವೇಗೆ ಪ್ರವೇಶಿಸಿದ್ದು ಚಿಂತೆಯ ವಿಷಯವಾಗಿದೆ. ದೆಹಲಿ ನಿಲ್ದಾಣದಲ್ಲಿ CISF ಮತ್ತು ಏರ್‌ಲೈನ್ ಸಿಬ್ಬಂದಿ ಸರಿಯಾಗಿ ಕಾರ್ಯನಿರ್ವಹಿಸಿದ್ದು ಶ್ಲಾಘನೀಯವಾಗಿದೆ. ಇದು ಎರಡನೇ ಇಂತಹ ಘಟನೆ; 1996ರಲ್ಲಿ ದೆಹಲಿ-ಲಂಡನ್ ವಿಮಾನದಲ್ಲಿ ಇಬ್ಬರು ಸಹೋದರರು ಅಡಗಿದ್ದರು. ಅಫ್ಘಾನಿಸ್ತಾನದಂತಹ ದೇಶಗಳಲ್ಲಿ ಯುದ್ಧ ಮತ್ತು ಬಡತನದಿಂದ ಯುವಕರು ಇಂತಹ ಅಪಾಯಕಾರಿ ಪ್ರಯತ್ನಗಳನ್ನು ಮಾಡುತ್ತಿದ್ದಾರೆ. ಈ ಘಟನೆಯಿಂದ ವಿಮಾನಯಾನ ಸಂಸ್ಥೆ ಭದ್ರತೆಯನ್ನು ಬಲಪಡಿಸುವಂತೆ ಒತ್ತಾಯಿಸಲಾಗಿದೆ. ಬಾಲಕನು ಸುರಕ್ಷಿತವಾಗಿ ಹಿಂತಿರುಗಿದ್ದು ರೋಚಕವಾದರೂ, ಇಂತಹ ಪ್ರಯತ್ನಗಳು ಜೀವಕ್ಕೆ ಅಪಾಯವಾಗಬಹುದು ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ.